Hljómar 1

Hljómar 1 er gagnvirkt hljómasafn fyrir gítar. Hér geturðu skoðað grip og fingrasetningar, séð hvaða tónar mynda hljómana og hlustað á þá. Veldu grunntón, hljómagerð og viðbætur í valmyndunum. Þú getur líka valið annan bassatón og afritað gripmyndir til að nota í kennslu.

Hvaða grip eru í safninu? Safnið sýnir grip á fyrstu fjórum böndum gítarsins, næst hausnum, með eða án opinna strengja. Gripin nota fingur 1–4, án þvergrips. Safnið nær ekki yfir allan gítarhálsinn eða allar hljómagerðir.

Breyttu gripi og finndu heiti þess. Ýttu á „Breyta mynd“ við gripið sem þú vilt vinna með. Breyttu böndum og fingrasetningu og veldu hvaða strengir eiga að hljóma. Ýttu síðan á „Finna heiti“ til að fá möguleg heiti hljómsins. Ef fleiri en eitt heiti kemur til greina geturðu valið það sem hentar. Þú getur líka skrifað heitið sjálfur og afritað myndina þegar hún er tilbúin.